Maktabgacha va maktab ta’limi vazirligi ota-onalarga murojaat qildi.
"Diqqat! Farzandingizning kiyinishiga e’tiborli bo‘ling!
Qishning sovuq kunlarida shamollash ehtimoli yanada ortadi. Bola immun tizimi esa bunday paytda yana-da issiqroq kiyinishni, kaloriyali ovqatlanishni talab etadi.
Bolaning kiyinishi sovuqlik darajasiga qarab bajarilgani ma’qul. Jumladan:
☁️ + 5 dan - 5 darajagacha — bunday haroratda bolaning kiyimi kurtka yoki chopon, kolgotka, uzun yengli futbolka, jun patakli issiq poyabzal, ip gazlamali paypoq, issiq qo‘lqop va jun qalpoqdan iborat bo‘lishi lozim;
❄️ - 5 dan - 10 darajagacha — bolaga yuqoridagi kiyimlarga qo‘shimcha ravishda sintetika yoki ip gazlamadan bo‘lgan vodolazka, yana jun paypoq ham kiydirish zarur;
🌬 - 10 dan - 15 darajagacha — bolaning ustki kiyimi shapkasi bor tivit kombinezondan iborat bo‘lishi kerak. Issiq poyabzal tagi qalin yetikka almashtiriladi. Qo‘lqopning ham qalini bo‘lishi bola sovuq qotishining oldini oladi".
