Fransiya prezidenti Emmanuyel Makron Sharqiy Yevropa davlatlaridan uzr so‘radi. Bu haqda Makronning Bratislavada bo‘lib o‘tgan GLOBSEC forumidagi so‘zlariga tayanib, Reuters xabar bermoqda.
Makronning ta’kidlashicha, Fransiya Rossiyaning Ukrainaga keng ko‘lamli bostirib kirishi boshlanishidan oldin ham Rossiyaning tajovuzkorligi haqida ogohlantirganda, ko‘proq e’tibor qaratishi kerak edi.
Fransiya prezidenti Yevropa Ittifoqining sharqiy va g‘arbiy a’zolari o‘rtasida Rossiya bilan bog‘liq masalalar bo‘yicha davom etayotgan kelishmovchiliklarga ishora qilib, “eski” va “yangi” Yevropaga bo‘linishning yo‘l qo‘yilmasligini ta’kidladi.
“Ba’zilar jim turishimiz bilan biz imkoniyatni boy berdik, deyishadi. O‘ylaymanki, biz ham sizni tinglash imkoniyatini qo‘ldan boy berdik. Endi bu o‘tmishda”, — dedi Makron.
