Magomed Omarov ma’muriy band bo‘yicha 10 kunga hibsga olindi

Kecha Dog‘istonning Sergokalinskiy tumani rahbari lavozimidan chetlatilgan Magomed Omarov 10 kun muddatga hibsga olindi, deb yozadi «Kommersant».

Maxachqal’aning Leninskiy tuman sudi uni ma’muriy modda bo‘yicha mayda bezorilik sodir etganlikda aybdor deb topdi. Jinoyat tafsilotlari haqida ma’lumot berilmagan.

Magomed Omarov kecha, 24 iyun kuni kechqurun qo‘lga olingan. Manbaga ko‘ra, hozir tergov tumanning sobiq rahbarini terrorizmga yordam berganlikda ayblash masalasini ko‘rib chiqmoqda, chunki uning ikki o‘g‘li 23 iyun kuni Derbent va Maxachqal’adagi teraktlarda ishtirok etgan.