Belorusiya prezidentligiga nomzod Svetlana Tixanovskaya Germaniya kanseri Angela Merkeldan yordam so‘rab murojaat qildi, deb yozadi Bild nashri.
"Merkel xonim, Lukashenko bilan bog‘laning. Unga urushni xohlamasligimizni ayting. Biz adolatli saylovlar o‘tkazishni istaymiz, xolos!”, deya ta’kidlagan Tixanovskaya hayoti uchun qo‘rqayotgani va noma’lum kimsalar tomonidan bo‘layotgan tahdidlar tufayli farzandlarini chet elga yuborishga majbur bo‘lganini qo‘shimcha qilar ekan.
Ma’lumot o‘rnida, 9 avgust kuni Belorusiyada prezident saylovlari bo‘lib o‘tadi, unda besh nafar nomzod, shu jumladan, respublikaning amaldagi rahbari Aleksandr Lukashenko ham qatnashadi.