Belarus prezidenti Aleksandr Lukashenko rossiyalik hamkasbi Vladimir Putin bilan uchrashish uchun Sochiga uchib ketdi. Bu haqda 22 may, yakshanba kuni shahar meri Aleksey Kopaygorodskiy Telegram'da ma’lum qildi.
Davlat rahbarlarining muzokaralari ertaga bo‘lib o‘tadi. Xususan, ular Rossiya-Belarus munosabatlarini Ittifoq doirasidagi yanada rivojlantirishning asosiy masalalarini, shuningdek, xalqaro va mintaqaviy kun tartibidagi dolzarb masalalarni muhokama qilishni rejalashtirmoqda.