Vilnyusdagi ko‘p qavatli uyda portlash sodir bo‘ldi. Bu haqda Litva OAVlari o‘t o‘chirish xizmati vakillariga tayanib xabar berdi.
Portlash haqida ma’lumot 3 yanvar kuni tushga yaqin kelib tushgan. "Dzuku ko‘chasidagi ko‘p qavatli uyning beshinchi qavatidagi xonadonda portlash sodir bo‘lgani, derazalar singan, tutun ko‘rinib turgani haqida xabar berilgan edi", — dedi yong‘in va qutqaruv bo‘limi vakili.
Qutqaruvchilar portlash sodir bo‘lgan xonadonga kirib, yaradorni u yerdan olib chiqib ketishdi va shifokorlarga topshirdilar. Boshqa jabrlanganlar haqida hozircha ma’lumot olinmagan.
Uy aholisi evakuasiya qilinib, yaqin atrofdagi bolalar bog‘chasiga joylashtirildi. Hozirda voqea joyida o‘t o‘chiruvchilar ishlamoqda. Ularning so‘zlariga ko‘ra, uyning tomi va ichki qoplamasi qulab tushgan. Hodisa sabablari aniqlanmoqda.
Rossiya Yaponiya va Janubiy Koreyaga hujum qilish rejalarini ishlab chiqdi – FT
O‘limga hukm qilingan amerikalik imkon qadar tezroq qatl qilinishini so‘radi
Rossiya havo hujumidan mudofaa tizimlari Ukraina qiruvchisini urib tushirdi
