Lavrov Pashinyan noto‘g‘ri yo‘lda ekanini ta’kidladi

Armaniston Rossiyadan uzoqlashishga harakat qilmoqda.

Bu haqda AQSh urush tadqiqotlari institutining so‘nggi hisobotida yozildi, deb xabar berdi «Report».

Qayd etilishicha, Yerevanning Kollektiv Xavfsizlik Shartnomasi Tashkiloti doirasidagi faoliyatini muzlatib qo‘ygani bunga eng yorqin misol bo‘la oladi: “Aftidan, Yerevan siyosat va xavfsizlik nuqtai nazaridan Moskvadan uzoqlashmoqchi".

Shuningdek, rasmiy Moskva Armanistonga ochiqdan-ochiq tahdid qila boshlagani ma’lum bo‘ldi: «Rossiya tashqi ishlar vaziri Sergey Lavrov yaqinda Armaniston bosh vaziri Nikol Pashinyan Janubiy Kavkazni geosiyosiy mojaroga tortmoqchi bo‘layotganini aytdi. S.Lavrov N.Pashinyan noto‘g‘ri yo‘lda ekanini ta’kidladi».