Vaksina sinovlarini o‘tkazishda yordam berayotgan Crocus Medical kompaniyasi vakilining so‘zlariga ko‘ra, «Sputnik V»ga bo‘lgan talab «yuqori» va vaksina ishlab chiqarish sur’ati bu talabni qondirishga yetmayapti.
Rossiyada ko‘ngillilarni koronavirus infeksiyasiga qarshi mo‘ljallangan «Sputnik V» vaksinasi bilan emlash vaqtincha to‘xtatildi, deb xabar bermoqda Reuters. Agentlikning ma’lumot berishicha, bunga preparat yetishmovchiligi sabab bo‘lgan.
Vaksina sinovlarini o‘tkazishda yordam berayotgan Crocus Medical kompaniyasi vakilining so‘zlariga ko‘ra, «Sputnik V»ga bo‘lgan talab «yuqori» va vaksina ishlab chiqarish sur’ati bu talabni qondirishga yetmayapti. Agentlikning bildirishicha, yangi ko‘ngillilarni emlash 10 noyabrdan boshlanishi rejalashtirilgan.
Vaksina sinovlari o‘tkazilayotgan Moskvadagi sakkizta klinika xodimlari yangi ko‘ngillilarni emlash to‘xtatilganini tasdiqlagan.
Avvalroq Rossiya prezidenti Vladimir Putin mamlakatda koronavirusga qarshi ommaviy emlash yil oxirigacha boshlanishiga umid bildirgandi.
Rossiyada hozirda COVID-19’ga qarshi ikkita vaksina ro‘yxatdan o‘tkazilgan. «Sputnik V» vaksinasi avgustda, «EpiVakKorona» deb nomlangan ikkinchi vaksina oktyabrda ro‘yxatga olingan.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Ariston kompaniyasi milliylashtirilgach, Rossiya elchisi Italiya TIVga chaqirtirildi
