Kredit mablag‘larini o‘zlashtirish bilan bog‘liq jinoyat uchun sudlangan A.T.dan bankka yetkazilgan 374 mln. so‘m moddiy zarar Majburiy ijro byurosi Bo‘ston tuman bo‘limi tomonidan to‘liq undirildi.
Jinoyat ishlari bo‘yicha Shahrixon tuman sudining 2026 yil 12 martdagi hukmiga muvofiq O‘zbekiston Respublikasi Jinoyat kodeksining 167-moddasi 3-qismi “a” bandi bilan sudlangan A.T. kredit mablag‘laridan maqsadsiz foydalanib, ularni o‘zlashtirish orqali “Mikrokreditbank” ATB Andijon hududiy boshqarmasi manfaatlariga moddiy zarar yetkazgan.
Sud tomonidan uning harakatlariga huquqiy baho berilib, jinoyat uchun tegishli jazo tayinlangan hamda bankka yetkazilgan 374 mln. so‘m moddiy zararni qoplash majburiyati yuklangan.
Biroq, moddiy zarar ixtiyoriy tartibda qoplanmaganligi sababli ijro hujjati Majburiy ijro byurosi Bo‘ston tuman bo‘limiga kelib tushgan.
Davlat ijrochilari tomonidan olib borilgan ijro harakatlari natijasida qarzdorning mol-mulki va daromadlariga qaratilgan undiruv choralari orqali bank foydasiga moddiy zarar to‘liq undirilishi ta’minlandi.
Kreditni o‘zlashtirish oson tuyulishi mumkin, ammo bunday harakatlar muqarrar ravishda javobgarlikka sabab bo‘lishini va yetkazilgan moddiy zarar esa qonun doirasida baribir qoplanishini unutmaslik lozim.
47°C issiqlikda tong ham, tun ham yo‘q: Hindistonning eng issiq hududida bir kun
Timmi ismli kit bioyoqilg‘iga aylanadi
Jaloliddin Masharipov terma jamoa qaydnomasidan chiqarilmoqda
