Saudiya Arabistonidagi umra ziyoratidan qaytgan 3 qirg‘izistonlikda koronavirus infeksiyasi aniqlangan. Ular avvaliga uy karantinida bo‘lishgan. Keyinroq O‘sh shahriga olib borilgan.
Koronavirus Markaziy Osiyoda
Tojdor virus Markaziy Osiyoning 3 ta davlatiga kirib ulgurgan. Dastlab Qozog‘istonda (hozir ular soni 35 ta), keyinroq O‘zbekistonda (hozircha 11 kishi) aniqlangan. O‘zbekistonda 2 haftalik karantin e’lon qilingan.
Hozirgacha COVID-19 virusi bilan kasallanganlar dunyoning 150 dan ortiq mamlakatida aniqlangan. Ularga qarshi AQSh va Xitoy vaksinalar ishlab chiqqani aytilmoqda. Biroq hozircha sinab ko‘rilmagan.