Qirg‘iziston Xavfsizlik Kengashi hukumatga 22 mart yakshanba kunidan boshlab favqulotda holat rejimini joriy etishni tavsiya qildi. Bu haqda "Sputnik Qirg'iziston" respublika prezidenti matbuot xizmatiga tayanib xabar berdi.
Shu bilan birga, hukumat koronavirus aniqlangan O‘sh, Jalolobod va Botken viloyatlarining uch tumanida favqulotda holat e’lon qildi.
Qirg‘izistonda koronavirusga chalinganlarning umumiy soni 12 nafarni tashkil qiladi. Ularning barchasi Saudiya Arabistoni va Quvaytdan ziyoratdan qaytganlardir. Qirg‘iziston Sog‘liqni saqlash vazirligiga ko‘ra, dastlabki oltita bemor 2330 ta fuqaro bilan aloqada bo‘lgan.
Avvalroq mamlakat chet el fuqarolariga vaqtincha taqiq joriy etgandi. Ommaviy tadbirlar taqiqlangan, maktab va universitetlar karantinga qo‘yilgan.
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Armaniston shu yilning o‘zidayoq Yevropa Ittifoqiga kirishga tayyor
