Konor Makgregor Getjining chaqiruviga javob berdi

UFC sobiq chempioni Konor Makgregor chempion Jastin Getjining o‘zi bilan jang qilish istagiga munosabat bildirdi.

"Navbatga tur. Buni istaydigan jangchilar ko‘p. Qaranglar, uning yengil vaznda chempionlik kamari bor va bu hurmatga loyiq. Lekin UFC 300 turnirida Xollouey uni yuzi bilan pastga, oyoqlari yuqoriga qaragan holda yotqizib qo‘ydi. Juda qattiq mag‘lubiyat bo‘lgandi. Juda ham qattiq.

Shuning uchun hozir bu haqda o‘ylamayapman. Men yana yengil vaznga qaytamanmi? Bu ham aniq emas. Menga uchinchi vazn toifasida ham chempionlikni qo‘lga kiritish g‘oyasi ko‘proq yoqadi. Hurmatsizlik qilishni kamaytir, la’nati omadsiz", — dedi Makgregor.