Kompyuterda saqlanayotgan ma’lumotlarga zarar yetkazish maqsadida zararli dasturlar yoki viruslar yaratganlik uchun qanday javobgarlik belgilangan?

O‘zbekiston Respublikasi Jinoyat kodeksining 278 prim 6-moddasi 1-qismiga muvofiq:

Kompyuter tizimida saqlanayotgan yoki uzatilayotgan axborotni ruxsatsiz yo‘q qilib yuborish, to‘sib qo‘yish, modifikasiyalashtirish, undan nusxa ko‘chirish yoki uni qo‘lga kiritish maqsadini ko‘zlab kompyuter dasturlarini yaratish yoki mavjud dasturlarga o‘zgartirishlar kiritish, xuddi shuningdek maxsus virus dasturlarini ishlab chiqish, ulardan qasddan foydalanish yoki ularni qasddan tarqatish jinoyatini sodir etganlik uchun bazaviy hisoblash miqdorining yuz baravaridan uch yuz baravarigacha miqdorda jarima yoki ikki yilgacha ozodlikni cheklash yoxud ikki yilgacha ozodlikdan mahrum qilish jazosi belgilangan.