Ma’muriy hibsga olingan 63 yoshli falastinlik Mustafo Muhammad Abu Arra Isroil qamoqxonasida vafot etdi.
Bu haqda Falastin asirlari jamiyati hamda Falastin ozodlik tashkiloti asirlar va ozodlik qo‘mitasining qo‘shma hisobotida aytiladi.
Xabarda keltirilishicha, bosib olingan G‘arbiy Sohildagi Tubas chekkasidagi Aqaba qishlog‘ida yashovchi fuqaro sog‘lig‘i yomonlashgani uchun Soroka harbiy gospitaliga yotqizilgan, biroq shifokorlar uning hayotini saqlab qola olmagan.
Abu Arra yetti farzandning otasi edi va 1990 yildan beri bir necha bor Isroil qamoqxonasida hibsda saqlangan. Umuman olganda, keksa falastinlik Isroil qamoqxonalarida 12 yil o‘tkazdi. 2023 yil 30 oktyabrda u yana ma’muriy qamoqqa olingan.
«Abu Arra hibsga olinishidan oldin sog‘lig‘ida jiddiy muammolarga duch kelgan. U dori-darmonlardan mahrum bo‘lib, o‘limga qoldirildi. Bu Falastin xalqiga qarshi davom etayotgan genosid jinoyatlarining bir qismi sifatida amalga oshirildi», — deyiladi bayonotda.
Falastinlik mahbuslar jamiyati va Falastinlik asirlar va ozodlik tashkilotining mahbuslar va ozodlik qo‘mitasi Isroil qamoqxonasi rahbariyatini falastinlikning o‘limi, shuningdek, Isroil qamoqxonalarida jazo o‘tayotgan 9,7 ming boshqa falastinliklarning taqdiri uchun javobgar deb topdi.
2023 yil 7-oktabrdan beri Isroil qamoqxonalarida halok bo‘lgan falastinliklar soni 19 nafarga yetdi.
Mayk Tayson duch kelishni istamaydigan yagona jangchini aytdi: «Unga nisbatan hech kimda imkoniyat yo‘q»
Ukrainada millionlab odamlarning mamlakatni ommaviy ravishda tark etishi boshlanadi
Amerikalik tahlilchilar Rossiyaning yadroviy raketasi qayerda joylashganini aniqladi
