Nemis va niderlandiyalik olimlar Kaspiy dengizidagi suv sathi 2100 yilga kelib 9-18 metrga pasayishini va bu ko‘plab muammolarni keltirib chiqarishini hisoblab chiqishdi.
Tadqiqot natijalari “Nature Communications Earth & Environment” jurnali tomonidan nashr etildi.
Muammolar ekologiya, iqtisodiyot va siyosiy barqarorlikka ta’sir qilishi ta’kidlangan.
Tadqiqotchilarning fikriga ko‘ra, 1990-yillardan boshlab Kaspiy dengizi har yili bir necha santimetrga pasayib kelmoqda. 2100 yilga kelib havza maydoni deyarli to‘rtdan biriga qisqarishi taxmin qilinmoqda.
«Taqqoslash uchun, agar Shimoliy dengiz ikki-uch metrga pasaysa, Rotterdam, Gamburg va London kabi portlarga kirish qiyinlashadi», - deyiladi press-relizda.
Shuningdek, olimlar ushbu muammoni muvofiqlashtirilgan holda hal qilish uchun Birlashgan Millatlar Tashkilotining Atrof-muhit dasturi (YUNEP) boshchiligida yo‘qolib ketish xavfi ostida bo‘lgan ko‘llar bo‘yicha xalqaro guruh yaratishga chaqirgan.
