Jiddadan Toshkentga uchgan samolyot favqulodda Bahraynga qo‘ndi

Bunga parvoz vaqti yoshi katta yo‘lovchining yuragi to‘xtab qolgani sabab bo‘ldi.

Air Samarkand ekipaji tibbiy yordam ko‘rsatish uchun eng yaqin aeroportga qo‘nishga qaror qilgan. Samolyotga shifokorlar brigadasi chaqirilgan.

Yo‘lovchiga bortdayoq imkon qadar yordam ko‘rsatilgan, keyin esa mahalliy shifokorlar reanimasion tadbirlarni o‘tkazishgan.

Reys yonilg‘i quyib olgach, parvozni Toshkentga taxminan 2 soat kechikish bilan davom ettirdi va soat 9:49 da qo‘ndi.