Gollivud aktrisasi Jessika Chesteyn Kiyevga keldi va Vladimir Zelenskiy bilan uchrashdi. Bu haqda Ukraina prezidenti o‘z rasmiy telegram sahifasida xabar berdi.
"Amerikalik aktrisa Jessika Chesteyn bugun Ukrainada. Biz uchun mashhur insonlarning bunday tashriflari nihoyatda qadrlidir. Buning sharofati bilan dunyo yurtimizda bo‘layotgan voqealarni yanada ko‘proq eshitadi, biladi va tushunadi. Qo‘llab-quvvatlaganingiz uchun tashakkur!", — deb yozdi Zelenskiy.