AQSH, Kanada va Meksika maydonlarida o‘tayotgan Jahon chempionatining ilk yarim finalchisi ma’lum bo‘ldi. Chorak final bosqichi doirasida Fransiya hamda Marokash terma jamoalari o‘rtasidagi bahs yakunlandi. AQShning Foksboro shahridagi «Jillett» stadionida o‘tgan uchrashuvda argentinalik hakam Fakundo Telo boshchilik qildi.
Uchrashuv «uch ranglilar»ning 2:0 hisobidagi ishonchli g‘alabasi bilan yakunlandi.
O‘yinning 28-daqiqasida Fransiya terma jamoasi yetakchisi Kilian Mbappe penaltidan unumli foydalana olmadi — uning zarbasini Marokash darvozaboni qaytardi. Shunga qaramay, fransuzlar bosimni davom ettirishdi va 60-daqiqaga kelib jamoa sardori hisobni ochishga muvaffaq bo‘ldi.
Oradan olti daqiqa o‘tib, Usmon Dembele Kilian Mbappening ajoyib uzatmasidan unumli foydalanib, «uch ranglilar»ning ustunligini mustahkamladi — 2:0.
Shu tariqa, Marokash terma jamoasining chempionatdagi yurishiga chek qo‘yildi. Fransiya esa yarim finalga yo‘l olgan birinchi jamoaga aylandi. Amaldagi chempionlar final yo‘llanmasi uchun bugun, 10-iyul kuni bo‘lib o‘tadigan Ispaniya — Belgiya uchrashuvi g‘olibi bilan kuch sinashishadi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
