Moldovaning «Sherif» klubi hujumchisi Jasurbek Yaxshiboyev YECHL doirasidagi o‘yinda «Real Madrid» darvozasiga gol urdi.
«Santyago Bernabeu» stadionida bo‘lib o‘tgan o‘yinning 25-daqiqasida jamoadoshining chap qanotdan uzatgan to‘pini Yaxshiboyev boshi bilan madridliklar darvozasiga yo‘lladi va hisobni ochdi.
O‘yinning 57-daqiqasida Jasurbek Yaxshiboyev almashtirildi. O‘yin 1:2 hisobida Moldova klubi g‘alabasi bilan yakunlandi.
Ikki o‘yindan beri g‘alaba qozonayotgan Yaxshiboyevning jamoasi o‘z guruhida 6 ochko bilan birinchi o‘rinda ketmoqda.
Madridliklardan tashqari, «Sherif» bilan bir guruhda Ukrainaning «Shaxtyor Donesk» va Italiyaning «Inter» jamoalari ham bor.
