Janubiy Koreyaning Kyongido provinsiyasida metro tunneli qurilishida qulash sodir bo‘ldi, bir kishi bedarak yo‘qoldi. Bu haqda Yonhap agentligi xabar berdi.
Aniqlanishicha, hodisa soat 15:13 da sodir bo‘lgan. Yo‘lning yer usti qismi qulab tushdi va buning natijasida yaqin atrofdagi bir nechta binolarga zarar yetdi.
Agentlik ma’lumotlariga ko‘ra, dastlab ob’ektda bo‘lgan besh nafar ishchi bilan aloqa uzilgan. Keyinroq ma’lum bo‘lishicha, ulardan uch nafari xavfsiz joyda bo‘lgan, yana biri bilan aloqa o‘rnatishga muvaffaq bo‘lingan, biroq u yer ostida qolib ketgan. Agentlikning ma’lum qilishicha, ekskavator mashinisti bedarak yo‘qolgan.
Bundan tashqari, shahar ma’muriyati qo‘shimcha qulashlardan qo‘rqib, atrofdagi aholini evakuasiya qilish to‘g‘risida buyruq chiqardi.
"Hozirda aholi mahalliy maktablarga ko‘chirilmoqda," - deya aniqlik kiritdi nashr.
Avvalroq, shu kuni qurilishda bir nechta tayanchlarda yoriqlar paydo bo‘lgani haqida xabar berilgandi. Shu sababli tunnel hududidagi olti qatorli yo‘lning bir kilometr qismida avtomobillar va piyodalar harakati to‘liq to‘xtatildi.
Ko‘chki sodir bo‘lgan vaqtda Yer, infratuzilma va transport vazirligi hamda POSCO E&C qurilish kompaniyasi vakillari yoriqlarning paydo bo‘lish sabablarini aniqlab, ob’ektning xavfsizligi bo‘yicha tekshiruvlar o‘tkazgan.
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
AQSh Ukrainada abadiy urush o‘tkazish istagini e’lon qildi
Rossiya Ukrainani vijdonsizlarcha o‘qqa tutmoqda
