Ukraina va Qo‘shma Shtatlar Istanbuldagi muzokaralar arafasida va Rossiya tomonidan tinchlik jarayoni buzilgan taqdirda keyingi harakatlar to‘g‘risida kelishib oldi. Bu haqda Ukraina tashqi ishlar vaziri Andrey Sibiga ma’lum qildi.
14 may kuni Turkiyaning Antaliya shahrida Sibiga AQSh davlat kotibi Marko Rubio va senator Lindsi Grem bilan uchrashuv o‘tkazdi. Muloqotdan maqsad "prezident Vladimir Zelenskiy bilan keyingi tinchlik sa’y-harakatlari bo‘yicha qarashlarni baham ko‘rish va ushbu muhim hafta davomida pozisiyalarni muvofiqlashtirish" edi.
"Biz keyingi qadamlarning mantig‘ini batafsil muhokama qildik va yondashuvlarimiz bilan o‘rtoqlashdik," - dedi Sibiga. U Ukrainaning AQSh prezidenti Donald Trampning tinchlik tashabbuslariga qat’iy sodiqligini tasdiqladi va Qo‘shma Shtatlarga ularning ishtiroki uchun minnatdorchilik bildirdi.
"Biz hamkorligimizni konstruktiv va o‘zaro manfaatli tarzda rivojlantirishga tayyormiz. Rossiyaning Ukrainaning konstruktiv qadamlariga javob qaytarishi juda muhim. Hozircha u bunday qilmadi. Moskva tinchlikdan voz kechishning o‘z bahosi borligini tushunishi kerak," - deya ta’kidladi TIV rahbari.
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
AQSh Ukrainada abadiy urush o‘tkazish istagini e’lon qildi
Rossiya Ukrainani vijdonsizlarcha o‘qqa tutmoqda
