Osiyo boks konfederasiyasi 2018 yil yakunlari bo‘yicha Best of the Asians g‘oliblarini aniqladi.
13 ta nominasiya bo‘yicha 2018 yilgi boks mavsumining eng yaxshilarini ma’lum bo‘ldi.
«Yilning eng yaxshi erkak bokschisi» nominasiyasida o‘zbekistonlik Isroil Madrimov mutlaq g‘oliblikni qo‘lga kiritdi. Madrimov 46,76 foiz ovoz to‘pladi. Ikkinchi o‘rinni hindistonlik Amit Pangxal egallagan bo‘lsa, kuchli uchlikka yana bir o‘zbekistonlik bokschi Iqboljon Xoldorov yakun yasadi. Har ikkala bokschi ham Jakartada o‘tgan Osiyo o‘yinlarida oltin medalga ega chiqqandi.
Manba: daryo.uz