Isroil mudofaa kuchlari Bosh shtabi boshlig‘i Gerzi Halevi o‘tgan yilning oktabr oyidan beri Livanning «Hizbulloh» radikal harakatining 600 dan ortiq jangarilari yo‘q qilinganini ma’lum qildi, deb xabar bermoqda Ynet .
Unga ko‘ra, harakatning o‘ldirilgan o‘nlab jangchilari Hizbullohning harbiy elitasiga mansub edi.
«Hizbulloh to‘layotgan narx oshib bormoqda, bizning hujumlarimiz kuchayib boraveradi», dedi Halevi.
Uning qo‘shimcha qilishicha, ID keyingi qadamlarga yaxshi tayyorlangan va ularni oldindan rejalashtirmoqda.