Ispaniya Bosh vaziri Pedro Sanches mamlakatda bir qator zilzilalar sodir bo‘lganligini aytdi. Bu haqda u o‘zining tvitterida yozgan.
Unga ko‘ra, zilzilalar seshanba kuni kechqurun Granada shahri yaqinida qayd etilgan. Sanches aholini xotirjam bo‘lishga va rasmiylarning ko‘rsatmalariga amal qilishga chaqirdi.
Evropa-O‘rta yer dengizi seysmologik markazi o‘z navbatida zilzila markazi Granadadan 11 kilometr uzoqlikda joylashganligini ta’kidlamoqda. Zilzilalarning kuchi to‘rt ball yoki undan yuqori bo‘lgan. Qurbonlar va vayronagarchiliklar haqida ma’lumot yo‘q.