Rossiyalik vaqtincha ishsiz Vladislav Buzarov Moskva shahar saylov uchastkasiga shahar merligi uchun o‘z nomzodini ilgari surish maqsadida hujjat topshirdi. Bu haqda «RIA Novosti» xabar berdi.
Saylov komissiyasi a’zosi tomonidan ma’lum qilinishicha, 1969 yilda tug‘ilgan Buzarov Vladislav Vyacheslavovich vaqtincha ishsiz hisoblanadi.
Moskva merligi saylovi joriy yilning 9 sentyabrida bo‘lib o‘tadi. Shahar saylov komissiyasi 4 iyunda nomzodlarning hujjatlarini qabul qilishni boshladi. Merlik uchun kurashish istagi haqida «Yashillar alyansi» partiyasi raisi Aleksandr Zakondirin, siyosatchi Maksim Shingarkin va boshqa bir qator kishilar ma’lum qilgan.
Merlikka nomzodni ro‘yxatdan o‘tkazish uchun 3 iyulga qadar shahar deputatlarining 110 ta imzosini to‘plash kerak. Bundan tashqari mustaqil tashabbuskorlar saylovchilarning 36 mingta imzosini yig‘ishi zarur.
Manba: daryo.uz
O‘g‘ri bojxonachilar 26 tonna oltin bilan qo‘lga tushdi
Armaniston shu yilning o‘zidayoq Yevropa Ittifoqiga kirishga tayyor
Germaniya va Shvesiya harbiy hamkorlikni kuchaytirmoqchi
