AQSh Mudofaa vazirligi, The New York Times gazetasining yozishicha, Ilon Maskni Xitoy bilan yuzaga kelishi mumkin bo‘lgan mojaroning maxfiy ssenariylari haqida xabardor qilmoqchi.
Donald Trampning milliarder maslahatchisi o‘ta maxfiy ma’lumotlarga, jumladan, Xitoyning potensial nishonlari ro‘yxati va zarbalar vaqti bo‘yicha tavsiyalarga ega bo‘ladi, dedi ikki AQSh rasmiysi.
Mask Xitoy bozori bilan yaqin aloqaga ega Tesla va nozik mudofaa shartnomalarini amalga oshiruvchi SpaceX kompaniyalarini boshqaradi. U, shuningdek, xarajatlar va davlat xizmatchilari sonini qisqartirishi kerak bo‘lgan yangi tashkil etilgan Hukumat samaradorligi departamentini (DOGE) boshqaradi.
Pentagon bu gap haqiqiy harbiy rejalarga kirish haqida ketayotganini hali tasdiqlamadi. Mudofaa vaziri Pit Xegset Mask bilan uchrashuv haqiqatan ham bo‘lishini, biroq “hech qanday maxfiy harbiy rejalar muhokama qilinmasligini” yozdi. Donald Tramp ham bu ayblovni tezda inkor etib, “Xitoy haqida ham tilga olinmasligini” qo‘shimcha qildi.
“New York Times”ga yolg‘on ma’lumot tarqatganlarning javobgarlikka tortilishini sabrsizlik bilan kutaman”, deb yozdi Mask bugun.
Ukraina samolyotlari Rossiyadagi boshqaruv punktini yo‘q qildi
Fransiya Makronni lavozimidan chetlatilishini talab qilmoqda
Rossiyada ayrim migrantlarga patentsiz ishlashga ruxsat berildi
