IIVdagi salbiy holatlarning 75 foizini Komplayens xizmati aniqlagan

Ichki ishlar vazirligining ma’lum qilishicha, tizimda xodimlar bilan bog‘liq salbiy holatlarning 75 foizi Komplayens xizmati tomonidan aniqlangan.

Ya’ni, tizimdagi har to‘rtta salbiy holatning uchtasi aynan Komplayens xizmati tomonidan fosh etilgan. Bu esa mazkur xizmat ichki nazoratning eng samarali bo‘g‘inlaridan biriga aylanganini ko‘rsatadi.

Shuningdek, joriy yilning birinchi yarim yilligida korrupsiyaning oldini olishda faollik ko‘rsatgan 36 nafar xodim rag‘batlantirilgan.

Halol ishlasa tizimda rag‘batlantirish mexanizmi ham, noo‘rin xatti-harakat qilsa, har doim huquqiy baho berilib, tegishli chora ko‘rish amaliyoti ham izchil davom etmoqda.