Ibrahimovich 8 oylik tanaffusdan keyin mashg‘ulotlarga qaytdi

Zlatan Ibrahimovich jarohatidan to‘liq tiklanib, safga qaytish arafasida.

Shvesiyalik 41 yoshli forvard bugun, 3 fevraldan «Milan» jamoasining jamoaviy mashg‘ulotlarida qatnashishni boshladi. «Rossonerlar» A Seriya doirasidagi «Inter»ga qarshi o‘yinga tayyorgarlik ko‘rmoqda.

Qayd etish joiz, Zlatan jarohati sababli 8 oydan buyon jamoasining mashg‘ulotlarida ishtirok etmayotgandi. U so‘nggi marta 2022 yilning 22 may kuni maydonga tushgandi. Shundan keyin tizzasidagi jarohati sababli jarrohlik amaliyotini boshdan kechirgan futbolchi tiklanish jarayonini o‘tkazayotgan edi.