O‘tgan oyda Hindistonlik jarrohlar 56 yoshli bemor tanasidan bovling to‘pi bilan bir xil og‘irlikdagi buyrakni olib tashladi. 7,4 kilogramm tosh bosgan buyrak inson tanasidan olib tashlangan eng og‘ir a’zolaridan biri bo‘ldi.
Ma’lumotlarga ko‘ra, bemor tanasida genetik kasallik bo‘lgan. Shuning uchun buyrak kattalashib uning hayotiga xavf solayotgan edi.
“Bu juda katta buyrak qorinning yarmini egallagan edi. Biz uning katta ekanligini bilardik, ammo bunday og‘ir bo‘lishini hech o‘ylamaganmiz”, dedi jarrohlik guruhining a’zosi Sachin Kathuria. Uning aytishicha, olib tashlangan gigant buyrakning uzunligi deyarli 45 santimetr edi.
Ma’lumot uchun, odam organizmidagi buyrakning o‘rtacha og‘irligi 120 dan 150 grammgacha va uzunligi 12 santimetr bo‘ladi.
2017 yilda Dubayda o‘tkazilgan operasiyada odam ta’nasidan olib tashlangan eng katta buyrak 4,25 kg tosh bosgan va bu Ginnesning rekordlar kitobiga kiritilgan edi.
Shoygu urush tugaydigan “aniq va shubhasiz” sanani ma’lum qildi
Garri Kasparov terrorchi sifatida tan olindi
COLA ichganingizdan so‘ng bir soat ichida nimalar sodir bo‘ladi
