Hindiston AQShning saylangan prezidenti Donald Tramp boshqaruvi boshlanishi bilan Vashington bilan iqtisodiy aloqalarni mustahkamlashga umid qilmoqda.
Bu haqda Hindiston savdo vaziri Piyush Goyal ma’lum qildi.
"Biz AQShning yangi ma’muriyati bilan juda chuqur va muhim hamkorlikni kutmoqdamiz", - deya uning so‘zlaridan iqtibos keltirgan G‘arb OAV.
U Hindiston Bosh vaziri Narendra Modining AQSh prezidentlari Barak Obama, Donald Tramp va Jo Bayden ma’muriyatlari bilan hamkorlikda olib borgan faoliyati davomida ikki tomonlama munosabatlarni rivojlantirish borasida erishilgan muvaffaqiyatlarni esladi.
2023-24 yillarda Hindiston va AQSh o‘rtasidagi savdo hajmi 118 milliard dollardan oshdi, Hindistonning savdo balansi 32 milliard dollarni tashkil etdi.
Biroq, The Economic Times eslatishicha, Tramp Hindistonni savdo siyosati uchun bir necha bor tanqid qilgan va mamlakatni Amerika tovarlariga yuqori bojlar uchun “bojlar malikasi” deb atagan. O‘tgan dekabr oyida Tramp Hindistondan keladigan tovarlarga javob bojlari joriy etishga va’da bergan edi.
Rossiya Yaponiya va Janubiy Koreyaga hujum qilish rejalarini ishlab chiqdi – FT
O‘limga hukm qilingan amerikalik imkon qadar tezroq qatl qilinishini so‘radi
Rossiya havo hujumidan mudofaa tizimlari Ukraina qiruvchisini urib tushirdi
