Gvardiola: «Husanov o‘zini yaxshiroq his qilmoqda»

«Manchester Siti» bosh murabbiyi Xosep Gvardiola jamoa himoyachisi Abduqodir Husanovning sog‘lig‘i borasida to‘xtalib o‘tdi.

«Husanov o‘zini yaxshiroq his qilmoqda. U «Everton»ga qarshi o‘yinda kuchli zarba qabul qilib olgandi, ammo ha — hozir u ancha yaxshi», — dedi Gvardiola jurnalistlarga.

2025/2026 yilgi mavsumda Abduqodir Husanov barcha musobaqalarda 34 ta o‘yinda maydonga tushdi.

Ertaga, 13 may kuni «Manchester Siti» o‘z maydonida «Kristal Pelas»ni qabul qiladi. Ayni damda Gvardiola shogirdlari peshqadam «Arsenal»dan 5 ochko orqada qolmoqda, biroq zaxirada bitta o‘yinlari mavjud.