Gresiyadagi orollar aholisi kamayishi mumkin

Gresiyaning Egey orollari rasmiylari aholining chiqib ketishi va tug‘ilishning keskin pasayishi haqida ogohlantirdi, chunki tug‘ilishni qo‘llab-quvvatlash choralari demografik vaziyatni tuzatish uchun yetarli emas. Afina tug‘ilishni rag‘batlantirish uchun 20 milliard yevro sarflashga tayyor, deya xabar berdi Euronews.

Milosda bo‘lib o‘tgan Kichik orollarning 15-Kongressida merlar demografik inqirozdan qanday chiqishni bilmasliklarini aytishdi. Shunday qilib, Egey dengizining shimoliy qismidagi kichik Ayos-Efstratios orolida 250 nafarga yaqin odam yashaydi.

- Orolda deyarli qizlar yo‘q. Faqat ikki nafar kishi 30 yoshdan kichik. Xuddi shu narsa yosh yigitlarga ham tegishli. Biz yoshlarni tug‘ilib o‘sgan orolga qaytarib, oila qurish uchun rag‘batlantiruvchi omillarni izlashimiz kerak. Afsuski, o‘tgan yili faqat bitta farzandli bo‘ldik, bu so‘nggi uch yil ichida ikkinchi tug‘ilishdir, deb kuyinadi shahar meri Kostas Sinanis.

2022 yilda Gresiya 92 yil ichida eng kam tug‘ilish sonini qayd etdi. Bu yil Gresiyada aholi sonining kamayishi bo‘yicha Yevropa Ittifoqida ikkinchi o‘rinda turishi kutilmoqda.

- Agar biz hech narsa qilmasak, taxminan 25 yildan keyin, yigirma yil ichida aholining uchdan bir qismi 65 yoshdan oshgan bo‘ladi, 2050 yilda esa hozirgidan 2,5 millionga kam bo‘ladi. Ushbu prognozlarning iqtisodiy ko‘rsatkichlar, YAIM, mehnat bozori, sug‘urta tizimi, pensiya, sog‘liqni saqlash va ta’limga ta’sirini tushunish uchun moliyani o‘rganishingiz shart emas, chunki maktablar ham kamroq bo‘ladi, - deydi Mixalis Vlastarakis Gresiya banki Eurobank xodimi.

Afina 2035 yilgacha tug‘ilishni rag‘batlantirish uchun 20 milliard yevro sarflashni rejalashtirmoqda. Ushbu chora-tadbirlar pul va soliq imtiyozlarini o‘z ichiga oladi, dedi bir necha kun oldin Oila vazirligi. Ayni paytda mamlakat onalik va bolalikni qo‘llab-quvvatlash bo‘yicha turli dasturlarga yiliga qariyb 1 milliard yevro sarflaydi, biroq Yevropaning boshqa mamlakatlarida bo‘lgani kabi bu ham samarasiz.

Qayd etilishicha, Gresiyada tug‘ilish darajasi 1,3 ni tashkil etadi va bu qit’adagi eng past ko‘rsatkichlardan biridir. Iqtisodiy prognozlarga ko‘ra, 2100 yilga borib iqtisodiy faol aholi soni ikki baravar, iqtisodiy mahsulot ishlab chiqarish esa shu davrda 31 foizga qisqaradi.