Umumiy qora bozor qiymati 7 million yevrodan ortiq bo‘lgan topilmalar Shimoliy Reyn-Vestfaliya federal yerining Myonxengladbax, Duysburg va Krefeld shaharlarida, shuningdek, Firzen, Xaynsberg va Noys okruglarida topilgan.
Shimoliy Reyn-Vestfaliya federal yerida – Myonxengladbax, Duysburg va Krefeld shaharlarida, shuningdek, Firzen, Xaynsberg va Noys okruglarida joylashgan oziq-ovqat diskaunterining o‘n bir shoxobchasida banan qutilaridan paketlarda jami 95 kilogramm kokain topildi. Bu haqda prokuratura va Myonxengladbax polisiyasi 23 sentyabr, dushanba kuni xabar berdi.
Huquq-tartibot idoralari qora bozorda topilgan kokain partiyasi qiymatini 7 million yevrodan ortiqroqqa baholamoqda. Ma’lum bo‘lishicha, narkotik solingan paketlar bo‘lgan banan partiyasi Janubiy Amerikadan kelgan. Polisiya va prokuratura bu partiya noto‘g‘ri tarzda supermarketlar tarmog‘iga tushib qolgan, deb hisoblayapti, uning nomi idoralar qo‘shma press-relizida keltirilmagan. Kokain kontrabandasi holati yuzasidan tergov davom etmoqda. Hozirda mavjud ma’lumotlarga ko‘ra, banan partiyasi dastlab dengiz orqali Antverpen portiga yetib kelgan.
Afg‘oniston: Biz 2 imperiyani yo‘q qildik, keyingisi – AQSh
Millionerlar ko‘chib kelayotgan 5 ta davlat
«Urush hammaga ta’sir qiladi»
