Bugun 6 aprel, 2025 yil, yakshanba

КИР

G‘azoda urush yanada kuchayapti! Isroil hududlarni egallab olishini e’lon qildi

G‘azoda urush yanada kuchayapti! Isroil hududlarni egallab olishini e’lon qildi

Isroil G‘azoga quruqlikdagi hujumini kengaytirmoqda; ocharchilik xavfi ortmoqda.

Isroil mudofaa vaziri Israel Kats ma’lum qilishicha, Isroil qurolli kuchlari G‘azo sektoridagi "bufer zonalar"ni kengaytirish maqsadida "katta hududlarni egallab oladi".

Bu e’lon G‘azoning Isroil tomonidan tinimsiz bombardimon qilinishi natijasida tong otgandan beri halok bo‘lganlar soni kamida 53 nafarga yetgani haqidagi xabar bilan bir vaqtda keldi. O‘tgan oyda Isroil tinchlik sulhini buzganidan beri 1100 dan ortiq falastinlik hayotdan ko‘z yumdi.

G‘azodagi barcha novvoyxonalar - shu jumladan, Jahon oziq-ovqat dasturi tomonidan boshqariladigan 25 tasi ham - Isroilning hududga nisbatan qamali 31-kunga cho‘zilgani sababli faoliyatini to‘xtatdi. Bu urush boshlanganidan buyon eng uzoq davom etgan qamaldur.

G‘azo Sog‘liqni saqlash vazirligi ma’lumotlariga ko‘ra, Isroilning G‘azoga qarshi urushida kamida 50 423 falastinlik halok bo‘lgani va 114 638 nafari yaralangani tasdiqlangan. Hukumat matbuot xizmati esa vayronalar ostida bedarak yo‘qolgan minglab odamlar ham halok bo‘lgan deb taxmin qilinayotganini aytib, umumiy qurbonlar sonini 61 700 dan ortiq kishiga yetganini ma’lum qildi.

Kiritildi: 20:09 02.04.2025. O'qildi: 798 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!