Isroil G‘azo sektorida bosqinchilik va qirg‘inbarot urushini boshlaganiga 294 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.
▪️Bosqinchilar G‘azo va Xon Yunisning markazi bo‘lgan Rafahga hujum qildi. 24 soat ichida 30 falastinlik halok bo‘ldi.
▪️2023 yil 7 oktyabrdan buyon Isroil armiyasining G‘azo sektoriga hujumlari natijasida 39175 nafar falastinlik, jumladan 10798 nafar ayol va kamida 16172 nafar bola qurbon bo‘ldi.
▪️G‘arbiy Sohilda uchinchi kundan beri hujumga uchragan Qalqilyada qarshilik jangchilari 3 nafar bosqinchini yaraladi. Shu soatlarda Jenin shahrida shiddatli janglar ketmoqda.
▪️Isroil armiyasi Givati brigadasining 37 yoshli zahiradagi kaprali Moti Rafi G‘azo sektori janubidagi to‘qnashuvlar paytida halok bo‘lganini ma’lum qildi. 2023 yil 7 oktyabrdan beri G‘azo sektorida o‘ldirilgani rasman tan olingan askarlar soni 688 taga yetdi, shu jumladan, eksklavga quruqlikdan hujum boshlanganidan beri 328 ta.
▪️BMT: 10 g‘azolikdan 9 nafari majburan ko‘chirilgan. Taxminan 2,3 million aholiga ega mintaqa aholisining boshqa boradigan joyi yo‘q, deya ta’kidladi YUNRVA.
▪️2023 yil 7 oktyabrdan beri Isroil qo‘shinlari tomonidan hibsga olingan falastinlik jurnalistlar soni 91 nafarga yetdi, deb xabar berdi Falastin asirlari uyushmasi.
▪️HAMASning G‘arbiy Sohildagi yetakchisi va asoschilaridan biri 63 yoshli Mustafo Abu Ara Isroil qamoqxonasida vafot etdi. U 2023 yil oktyabr oyida hibsga olingan va qiynoqqa solingan.
▪️Al-Qassam brigadalari Xon Yunis, Rafah va Nitsarim o‘qida bosqinchilarga hujum qildi. Ishg‘ol uskunalari yo‘q qilindi.
▪️Iroq g‘arbidagi Anbardagi Amerikaning Ayn al-Asad aviabazasiga raketa zarbasi berildi.