Fransiyaning Parij, Lion va Marsel kabi yirik shaharlarida Prezident Emmanuel Makronga qarshi ommaviy namoyish bo‘lib o‘tdi. Minglab odamlar ko‘chalarga chiqib, davlat rahbari so‘l qanot vakili, “Yangi xalq fronti” alyansidan nomzod, ekolog Lui Kasetni Bosh vazir etib tayinlay olmaganidan norozilik bildirgan.
Olomon hukumatni shakllantirish o‘ng markaz tarafdori Mishel Barnyega ishonib topshirilgani uchun yetakchining iste’fosini talab qilmoqda. Shuningdek, namoyishchilar Makronni saylov natijasiga e’tibor bermaganlikda ham ayblayapti. Eng kam ish haqini 1600 yevrogacha oshirish, pensiya yoshini 60 yosh etib belgilashni talab qilishyapti.
Aksiya Bastiliyada boshlanib, Milliy maydongacha yetib borgan. Tadbirning ayrim ishtirokchilari Makron boshqaruviga ters munosabat ramzi sifatida qirollik libosi kiyib olishgan. Prezident iste’fosi uchun imzo yig‘ilgani ham ta’kidlanmoqda.
Rossiya G‘arbni uchinchi jahon urushi haqida ogohlantirdi
Livanda mobil telefonlar portlashni boshladi
Saudiya Arabistoni AQShning mintaqadagi vaziyatni normallashtirishga bo‘lgan umidlarini yo‘q qildi
