Fransiya: Isroil mintaqani urush tomon surmoqda

Fransiya prezidenti Emmanuel Makron Isroil bosh vaziri Binyamin Netanyaxu bilan telefon orqali muloqot qilib, Isroil rahbari bilan Livandagi vaziyatni muhokama qildi.

Isroilning Yediot Achronot gazetasi o‘z manbalariga tayanib qayd etishicha, suhbat chog‘ida Fransiya rahbari Isroilni mintaqani urush tomon surayotganlikda ayblagan.

Netanyaxu ayblovlarga javob berib, Fransiya uchun Isroilni tanqid qilish o‘rniga Livan Hizbulloh harakatiga bosimni kuchaytirish vaqti kelganini aytdi.

«Biz Livandagi xavfsizlikka oid so‘nggi o‘zgarishlar urush ehtimolini yanada oshirganiga ishonamiz, shu bilan birga diplomatik yo‘l hali ham mavjudligiga aminmiz. Biz bu yo‘nalishda ishlashda davom etamiz», — deya xabar beradi Isroil nashri frantsuz diplomatik manbasi.

Avvalroq, avgust oyi oxirida Fransiya Tashqi ishlar vazirligi yahudiy davlatini noqonuniy bosib olingan G‘arbiy Sohilda aholi punktlari siyosatiga ishora qilib, Falastin hududlarini «zudlik bilan mustamlaka qilishni to‘xtatishga» chaqirgan edi.