Fransiya byudjet taqchilligi sababli 2024 yilda Ukrainaga 3 milliard yevrolik yordam va’dasini bajarmaydi — Politico.
"2024 yil boshida bu yordam 3 milliard yevroga yetishi mumkinligi haqida siyosiy qaror qabul qilingan edi, aslida yordam miqdori 2 milliard yevrodan oshadi, lekin 3 milliard yevroga yetmaydi", — dedi Fransiya Mudofaa vazirligi rahbari Sebastyan Lekornyu.
2024 yilda Ukrainaga yordam berish uchun 3 milliard yevrogacha mablag‘ ajratish to‘g‘risidagi qaror Kiyev va Parij o‘rtasidagi ikki tomonlama kelishuvda mustahkamlangan bo‘lib, uni prezidentlar Volodimir Zelenskiy va Emmanuel Makron fevral oyida imzolagan.
Ammo, Politico nashrining yozishicha, Fransiya Ukrainaga yordam xarajatlarini kamaytirishga majbur, chunki 2024 yil uchun byudjet taqchilligi mamlakat yalpi ichki mahsulotining taxminan 6 foizini tashkil qilishi kutilmoqda.