Finlyandiya tashqi ishlar vaziri Xaavisto NATOga ariza Shvesiya bilan birga topshirilishini aytdi

Finlyandiya tashqi ishlar vaziri Pekka Xaavisto Shvesiya bilan NATOga a’zolik arizalari bo‘yicha fikr almashishini ma’lum qildi.

“Biz umumiy chiziqqa amal qilishimizni bildirdik, davlatlar birgalikda murojaat qiladi... “B” rejasi yo‘q, bu yo‘l ko‘rib chiqilmayapti”, — dedi u shved hamkasbi bilan muzokaralardan so‘ng. Uning so‘zlarini RIA Novosti keltirmoqda.

Avvalroq Xaavisto Anqara va Stokgolm o‘rtasida yuzaga kelgan kelishmovchiliklar tufayli Finlyandiya va Shvesiyaning NATOga a’zo bo‘lish bo‘yicha qo‘shma arizasini ajratish imkoniyatini tan olgan edi.