Farg‘onada uyini buzganlardan haqini talab qilgan nogironning 15 sutkaga qamalgani rostmi?

2019 yilning 16 oktyabr kuni «sizdantelegram» ijtimoiy tarmog‘ida  “FARG‘ONA – “Uyini buzganlardan haqini talab qilgan nogiron 15 sutkaga qamaldi” nomi ostida e’lon qilingan xabar Farg‘ona viloyati ichki ishlar boshqarmasi tomonidan o‘rganib chiqildi.

Aniqlanishicha, xabarda qayd etilgan Oltiariq tumanidagi “Qahramon” mahalla fuqarolar yig‘ini, Istiqlol ko‘chasida yashovchi 40 yoshli fuqaro o‘tgan bir yil davomida hech qanday ma’muriy javobgarlikka tortilmagan.

IIB ijtimoiy tarmoq foydalanuvchilari ma’lumotlarni tarqatayotganda axborotlar tekshirilganligiga alohida e’tibor qaratishlarini so‘rab qolamiz. Boisi ular orasida tasdiqlanmagan, yolg‘on xabarlar ham mavjud bo‘lishi mumkin.