Uchko‘prik tumani Yoyilma qishlog‘ida yashovchi fuqaro M.B. IIB boshlig‘i nomiga ariza bilan murojaat qilib, qo‘qonlik SH.M. uni aldab 15 300 dollarini qo‘lga kiritganini ma’lum qildi. Bu haqda Daryo muxbiri xabar bermoqda.
Arizada qayd etilishicha, 2018 yilning oktyabrida Qo‘qon shahrida yashovchi 1993 yilda tug‘ilgan SH.M. ko‘rshapalak uyasi saraton kasaliga davo ekanligini aytib, uning yashash xonadoniga yelim idishga o‘ralgan narsani olib kelgan. Uni aldab, qurilish materialidan ishlangan narsani ko‘rshapalak uyasi deb bergan. Evaziga uning 15 300 dollar (125 583 012 so‘m) pulini firibgarlik yo‘li bilan qo‘lga kiritgan.
Tergovga qadar tekshiruv davrida to‘plangan hujjatlarga ko‘ra, fuqaro SH.M.ning harakatlarida Jinoyat Kodeksining 168-moddasi 4-qismi a bandida (juda ko‘p miqdorda firibgarlik) ko‘rsatilgan jinoyat alomatlari borligi aniqlandi. Unga nisbatan mazkur modda bilan jinoyat ishi qo‘zg‘atilib, tergov ishlari tugatilib, ish sudga yuborildi.
O‘zbekiston tibbiyoti og‘ir judolikka uchradi
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
