Juma kuni Qozog‘istonning Olmaota shahrida Mustaqil Davlatlar Hamdo‘stligi Tashqi ishlar vazirlari kengashi majlisi hamda Rossiya va Markaziy Osiyo davlatlari diplomatik vakolatxonalari rahbarlari uchrashuvi bo‘lib o‘tadi. Bu haqda “RIA Novosti” xabar tarqatdi.
Yiliga ikki marta o‘tkaziladigan MDHning mazkur tadbiri oxirgi marta o‘tgan yil Moskvada bo‘lib o‘tgan.
Rossiya TIV navbatdagi anjumanda dolzarb xalqaro va mintaqaviy muammolar, jumladan 2025 yil Hamdo‘stlik formatidagi integrasiyaviy hamkorlikning ustuvor yo‘nalishlari muhokama qilinishini bildirgan. Tomonlar chegara xavfsizligini mustahkamlash masalasini ham ko‘rib chiqishi kutilyapti.
Ta’kidlanishicha, yig‘ilish ishtirokchilari Hamdo‘stlikka a’zo mamlakatlarda Ikkinchi jahon urushidagi g‘alabaning 80 yilligini nishonlashga tayyorgarlik ko‘rish, ayni yo‘nalishdagi madaniy-gumanitar hamkorlik masalasiga ham alohida e’tibor qaratadilar.
