Eronlik nomzod sunniylarga nisbatan kamsitishlarga qarshi chiqdi

Eronda prezidentlik saylovlarining ikkinchi bosqichida ishtirok etayotgan turkiy (ozarbayjon) islohotchi nomzod Masud Pezeshkiyan tunda davlat televideniyesi orqali sunniylarga nisbatan kamsitishlarga qarshi chiqish qildi. Bahs chog‘ida u kamsitishlarga chek qo‘yish va barcha fuqarolar uchun teng huquqlarga chaqirdi.

Dushanba oqshomida Eronda prezidentlik saylovlarining ikkinchi bosqichiga nomzodlarning birinchi debati bo‘lib o‘tdi. Teledebat davomida prezidentlikka nomzodlar Masud Pezeshkyan va Said Jaliliy madaniy va siyosiy masalalar bo‘yicha o‘z qarashlari va rejalarini bayon qildi.