Eron TIV: Ukrainadagi inqiroz Rossiya-Eron munosabatlariga ta’sir qilmaydi

Eron Tashqi ishlar vazirligi Ukrainadagi inqirozli vaziyat Moskva va Tehron munosabatlariga ta’sir qilmasligini ma’lum qildi.

"Ukraina mojarosi Moskva va Tehron o‘rtasidagi strategik sheriklikka hech qanday ta’sir ko‘rsatmaydi", dedi Eron Tashqi ishlar vazirligining matbuot kotibi Said Xatibzoda.

"Eron va Rossiya o‘rtasidagi munosabatlar strategik ahamiyatga ega va biz hech qanday muammo bu munosabatlarni buzishiga yo‘l qo‘ymaymiz. Biz Moskva bilan mazkur strategik munosabatlarimizdan va Kiyev bilan amaldagi ijobiy munosabatlarimizdan ushbu urushni va mintaqa xalqi hamda mintaqaning o‘zi ko‘rayotgan zararni bartaraf etish uchun foydalanishga harakat qilamiz".