Eron prezidenti Ibrohim Raisiy AQSh prezidenti Jo Baydenni mamlakatdagi tartibsizliklarni qo‘llab-quvvatlashda aybladi. Bu haqda IRNA agentligi xabar berdi.
Shunday qilib, Raisiy Amerika prezidenti o‘ziga "boshqa davlatda tartibsizlik, terror va vayronagarchilikni qo‘zg‘atish" imkonini beradi, dedi. Bundan tashqari, u Qo‘shma Shtatlar Erondagi ijobiy yangiliklardan g‘azablanganini va yuzaga kelgan muammolardan quvonishini ta’kidladi.
O‘z navbatida, Eron Tashqi ishlar vazirligi matbuot kotibi Nosir Kanani Eron “AQShning shafqatsiz sanksiyalari va bema’ni tahdidlariga bo‘ysunish uchun juda kuchli” ekanligini ta’kidladi”, — deya uning so‘zlarini keltiradi Shargh. U, shuningdek, AQSh jinoyatlari butun dunyoda ko‘rinib turishini ta’kidladi.
Ma’lumot uchun, oktyabr boshida AQSh prezidenti Jo Bayden Vashington Erondagi tinch namoyishchilarga qarshi zo‘ravonliklarda ishtirok etganlarga qarshi yangi sanksiyalar joriy etishini aytgandi. U, shuningdek, “Eronda tinch namoyishlarni, jumladan, teng huquq va inson qadr-qimmatini hurmat qilishni talab qiluvchi talabalar va ayollarga qarshi zo‘ravonlik bilan bostirish kuchayayotgani” haqidagi xabarlardan xavotir bildirdi.
16 sentyabr kuni Eronda 22 yoshli Mahsa Amini nomunosib ko‘rinishi uchun kaltaklanib vafot etdi. Qiz qarindoshlarinikiga Iroq Kurdistonidan Tehronga kelgan. Shaharda u shariat me’yorlariga rioya etilishini nazorat qiluvchi polisiya xodimlaridan iborat maxsus otryad tomonidan hibsga olingan. Katta Tehron polisiyasi rahbari Sardor Husayn Rahimiy qizning o‘limini baxtsiz hodisa deb atadi. Shundan so‘ng eronliklar ommaviy ravishda sochlarini qirqib, hijoblarini yoqib yuborishni boshladilar.
O‘z navbatida Eron prezidenti Ibrohim Raisiy norozilik namoyishlariga keskin javob qaytarilishi haqida ogohlantirdi. Bundan tashqari, respublika Tashqi ishlar vazirligi AQShni qizning o‘limi tufayli tartibsizliklar uyushtirganlikda aybladi.