Eron hukumati ayollarga motosikl haydash guvohnomasini olishga rasman ruxsat berdi

Eron hukumati ayollarga motosikl haydash guvohnomasini olishga rasman ruxsat berdi — Anadolu.

Nashrning xabar berishicha, qaror Eron birinchi vise-prezidenti Muhammad Rizo Orif tomonidan imzolangan bo‘lib, unda ayollarga motosikl boshqarish uchun haydovchilik guvohnomasini berish tartibi belgilab berilgan. Mazkur hujjat ayollar tomonidan uzoq yillardan beri ko‘tarib kelinayotgan talabning amaliy yechimi sifatida baholanmoqda.

Mahalliy matbuot xabariga ko‘ra, Eronda ayollarga motosikl uchun haydovchilik guvohnomasi berilishiga qonuniy taqiq bo‘lmagan, ammo bu jarayon bir necha yillar davomida amalga oshirilmagan.