Eron dronlari Bahrayndagi AQSh aviabazasiga zarba berdi

Eron armiyasining zarba beruvchi dronlari Bahrayndagi AQShning "Shayx Iso" aviabazasiga hujum qilib, aerodrom, samolyotlar to‘xtash joyi va yonilg‘i omborlariga zarar yetkazdi.

Bu haqda IRIB xabar bermoqda.

Hujum nishonlari "Shayx Iso" bazasidagi aerodrom, samolyotlar to‘xtash joyi, yonilg‘i omborlari va bir nechta aloqa punktlari bo‘lgan.

Eron qo‘mondonligi ushbu ob’ekt AQShning mintaqaviy nishonlarga, jumladan, Eronning o‘ziga qarshi operasiyalari uchun tayanch nuqtasi bo‘lib xizmat qilishini ta’kidladi.

"Eron Islom inqilobi posbonlari korpusining zarba beruvchi dronlari "Shayx Iso" bazasidagi aerodrom, samolyotlar to‘xtash joyi, yonilg‘i omborlariga zarba berdi", — deya telekanal harbiylarning bayonotidan iqtibos keltiradi.