Eron birorta ham savdo kemasi Ho‘rmuz bo‘g‘ozidan o‘tmaganini da’vo qilmoqda

"So‘nggi bir necha soat ichida Ho‘rmuz bo‘g‘ozi orqali birorta ham savdo kemasi yoki neft tankeri o‘tgani yo‘q. AQSh rasmiylarining bayonotlari asossiz va butunlay uydirmadir. Islom inqilobi qo‘riqchilari korpusi harbiy-dengiz kuchlari tomonidan e’lon qilingan tamoyillarni buzuvchi har qanday harakat jiddiy xavf tug‘diradi, qoidabuzar kemalar esa kuch ishlatish yo‘li bilan to‘xtatiladi.

Qo‘shma Shtatlarning Ho‘rmuz bo‘g‘oziga kirishga bo‘lgan har qanday urinishi o‘t ochishni to‘xtatish rejimining buzilishi deb hisoblanadi va bizning dengiz kuchlarimiz tomonidan qat’iy qarshilikka uchraydi", deya bayonot berdi Eron Islom inqilobi qo‘riqchilari korpusi.