Eron AQSh va Isroil bilan diplomatiya o‘rnatishga ishonmayapti

Eron hozirda AQSh va Isroil bilan muzokaralar uchun joy ko‘rmayapti, chunki Vashington Tehronni ikki marta chalg‘itgan.

Bu haqda Eron Oliy Rahbari devonining maslahatchisi Kamal Xarazi aytib o‘tdi.

"Men endi diplomatiya uchun joy ko‘rmayapman, chunki AQSh prezidenti Donald Tramp boshqalarni aldadi va va’dalarini bajarmaydi. Biz buni ikki marta ko‘rdik", dedi u.

Eron rasmiysi "iqtisodiy bosim shu darajaga yetdiki, boshqa davlatlar AQSh va Isroilning Eronga qarshi tajovuzini to‘xtatish uchun aralashsa" muzokaralar uchun imkoniyat paydo bo‘lishi mumkinligini aytdi.

28 fevral kuni AQSh va Isroil Eronga qarshi harbiy operasiyani boshladilar va mamlakat shaharlariga havo hujumlarini boshladilar. Islom inqilobi qo‘riqchilari korpusi Isroildagi nishonlarga hujum qilib, keng ko‘lamli qasos operasiyasini e’lon qildi. Bahrayn, Iordaniya, Qatar, Quvayt, BAA va Saudiya Arabistonidagi AQSh nishonlariga ham zarba berildi.