Endi zino qilganlar 1 yilgacha ozodlikdan mahrum etiladi

Indoneziya parlamentida yaqin kunlarda bir qator harakatlar uchun jazo choralarini ko‘zda tutuvchi qonun loyihasi muhokama etiladi, deya xabar bermoqda "azon.uz".

Qonun loyihasiga ko‘ra, nikohsiz jinsiy yaqinlik, ya’ni zino uchun 1 yilgacha ozodlikdan mahrum etish rejalashtirilyapti. Nikohsiz “er-xotin” bo‘lib yashaganlar esa olti oygacha qamalishi yoki 10 million rupiy (taxminan 1000 AQSh dollari) miqdorida jarimaga tortilishi mumkin.

Bundan tashqari, abort faqatgina mutaxassis shifokorning qaroriga binoan amalga oshirilishi ko‘zda tutilgan. Homiladorlikni noqonuniy ravishda to‘xtatish to‘rt yilgacha ozodlikdan mahrum etilishga sabab bo‘lishi mumkin.

Marksizm-leninizm g‘oyasini tarqatganlarga ham to‘rt yilgacha ozodlikdan mahrum etish jazosini belgilash rejalashtirilyapti.